Air Space

နိုင်ငံတကာရဲ့ လေကြောင်းလောက Aviation Field မှာ ပျံသန်းရန်လမ်းကြောင်း air route  လေကြောင်းဆိုင်ရာနယ်မြေ air space တွေ
ဆိုပြီးသတ်မှတ်ထားတာရှိပါတယ်။
မြန်မာနိုင်ငံလည်း ICAO အဖွဲ့ဝင်အဖြစ်လက်
မှတ်ရေးထိုးထားတဲ့နိုင်ငံဖြစ်လို့ICAO ရဲ့သတ်
မှတ်ချက်များအတိုင်း air route တွေ air space တွေသတ်မှတ်ထုတ်ပြန်ထားတာရှိပါတယ်။ မကြာသေးခင်ကမှ ထပ်တိုးထားတဲ့ air route တွေလည်းရှိပါတယ်။

Air space တွေထဲမှာ အဓိကကျတဲ့ သုံးမျိုးက
တော့
တားမြစ်နယ်မြေ Prohibited Area (P)
ကန့်သတ်နယ်မြေ Restricted Area (R)
အန္တရာယ်ရှိသောနယ်မြေ Danger Area (D) ဆိုပြီးရှိပါတယ်။

အရှေ့မှာတော့ မြန်မာနိုင်ငံရဲ့
Location Indicator အရ Nationality သတ်မှတ်ချက်ဖြစ်တဲ့ (VY)ကို ထည့်ရေးပါတယ်။
(ဥပမာ အန္တရာယ်ရှိသောနယ်မြေ နံပါတ် ၁၀ ဆိုရင် VY-D10 လို့ကြေညာပါတယ်)
အတိုကောက်အနေနဲ့ D10လို့ခေါ်ပါတယ်။
လေကြောင်းလမ်းတွေအတွက် သတ်မှတ်ထားတဲ့နယ်မြေဖြစ်လို့မြေမျက်နှာပြင်(ရေပြင် မြေ
ပြင်)နဲ့ဆက်စပ်တိုင်းတာတဲ့ ဧရိယာ သတ်မှတ်ချက်ရှိပါမယ်။
အမြင့်ပေအရ အနိမ့်ဆုံးသတ်မှတ်ချက် အမြင့်
ဆုံးသတ်မှတ်ချက် တို့ ထည့်သွင်းသတ်မှတ်ပါတယ်။

Danger Area တွေကတော့
ဒီဧရိယာ နယ်မြေထဲကို ဖြတ်ကျော်ပျံသန်းရင် အန္တရာယ်ရှိနိုင်တဲ့ အခြေအနေမျိုးအတွက် သတ်မှတ်ထားတာပါ။ဧရိယာသတ်မှတ်ချက်
အပြင် ဒီဧရိယာ အသက်ဝင် (active) ဖြစ်နေတဲ့ နေ့ရက်အချိန်တွေကိုပါထုတ်ပြန်ပါတယ်။ ဧရိယာသတ်မှတ်ချက်ကိုတော့ ကြိုတင်ကြေညာထားပြီး နေ့ရက်အချိန်ကိုတော့ NOTAM
(Notice To Air Men လေကြောင်းလောကနှင့်စပ်ဆိုင်သည့် လူများသို့ အကြောင်းကြားသည့် အရေးကြီးထုတ်ပြန်ချက်)ထုတ်ပြန်ပြီး
ကြေညာပါတယ်။
Restricted Area တွေကတော့ ကန့်သတ် ထားတဲ့နယ်မြေတွေဖြစ်ပါတယ်။ ဒီနယ်မြေထဲကို ဘယ်ကာလကစပြီး ဘယ်ကာလကြား အမြင့်ပေ အနှိမ့်ဆုံးဘယ်လောက်က အမြင့်ဆုံးဘယ်လောက်ကြား ဆိုပြီးသတ်မှတ်ပါတယ်။
အန္တရာယ်ကြုံတဲ့အခြေအနေတွေ အရေးပေါ်အခြေအနေတွေ သက်ဆိုင်ရာလေကြောင်းအာဏာပိုင်အဖွဲ့က အကန့်အသတ်နဲ့ ခွင့်ပြုပေးရင် ဖြတ်ကျော်ပျံသန်းလို့ ရပေမယ့် ကျန်အခြေအနေတွေမှာ ဝင်ရောက်လို့မရပါ။ Danger Area တွေလိုပါပဲ ဧရိယာသတ်မှတ်ချက် အပြင်
အသက်ဝင်တဲ့ နေ့ရက်အချိန်တို့ကိုပါ ထုတ်ပြန်ပါတယ်။

နောက်တစ်ခုကတော့ အရေးကြီးပါတယ်။
တားမြစ်နယ်မြေပါ။
သတ်မှတ်ထားတဲ့ ဧရိယာမှာ သတ်မှတ်ထားတဲ့ အမြင့်ပေအတိုင်း ဘယ်သူမှဖြတ်ကျော်ပျံသန်းဖို့ ခွင့်ပြုချက်မရှိပါဘူး။
တစ်နိုင်ငံနဲ့တစ်နိုင်ငံ သတ်မှတ်တဲ့နေရာ သတ်မှတ်တဲ့ပုံစံမတူပါဘူး။
နိုင်ငံတော်ကာကွယ်ရေးနဲ့ လုံခြုံရေး မဟာဗျူဟာစီမံကိန်းတွေအရ သတ်မှတ်ကြပါတယ်။
လေကြောင်းကနေအလွယ်တကူ ဝင်ရောက်တိုက်ခိုက် နှောင့်ယှက်တာတွေက ကာကွယ်ဖို့ အရေးကြီးအချက်အခြာမြေတွေကို ဖြတ်ကျော်ပျံသန်းခွင့် တားမြစ်ကန့်သတ်ကြပါတယ်။
လုံခြုံရေးကောင်းပါတယ်ဆိုတဲ့ အမေရိကန်မှာတောင် 9/11ဖြစ်စဉ်တုန်းက ပျက်စီးဆုံးရှုံးမှုများခဲ့ပါတယ်။
သမ္မတအိမ်တော်
လွှတ်တော်အဆောက်အဦ
စစ်ဌာနချုပ်
နိုင်ငံတော်ရုံးစိုက်ရာမြို့
တန်ဖိုးထားကိုးကွယ်ရာနေရာ
ရှေးဟောင်းနယ်မြေနေရာ
နျူးကလီးယာ ဓာတ်ပေါင်းဖို
ပင်မလျှပ်စစ်ထုတ်စက်ရုံ
စတာတွေကို နိုင်ငံအလိုက် သင့်တော်သလို သတ်မှတ်ထားကြပါတယ်။
မြန်မာနိုင်ငံမှာလည်းသတ်မှတ်ထားတာတွေရှိပါတယ်။
လူသိများတဲ့ ဧရိယာကတော့
VY-P5ဆိုတဲ့ ရန်ကုန်ကတားမြစ်နယ်မြေပါ။
P5 area က ဘာတွေကို ကာကွယ်ထားလဲဆိုတော့
ရွှေတိဂုံဘုရား
Yangon Down Town
ရန်ကုန်တိုင်းဒေသကြီးလွှတ်တော်
ရန်ကုန်တိုင်းစစ်ဌာနချုပ်
စတာတွေပါ ဝင်ပါတယ်။
လုံးဝဖြတ်ကျော်ပျံသန်းခွင့်မပြုထားပါဘူး။

နောက်ပြီးတော့ ရန်ကုန်လေယာဉ်ကွင်းရဲ့အနေအထားကို ပြောပြချင်ပါတယ်။
မင်္ဂလာဒုံလေဆိပ်လို့သိကြပေမယ့် တည်နေရာက မင်္ဂလာဒုံ အင်းစိန် မရမ်းကုန်း မြို့နယ်သုံးခုဆုံတဲ့နေရာနဲ့ပိုနီးပါတယ်။
ပြေးလမ်းတည်ရှိပုံက  034° ရှေ့မြောက်ယွန်းယွန်း နဲ့ 214°အနောက်တောင်ယွန်းယွန်း ဆက်ဆွဲထားတာပါ။
ကွင်းမဆောက်ခင် မြေအနေအထားရွေးချယ်ကတည်းက အများဆုံးနဲ့ အဖြစ်နိုင်ဆုံး လေတိုက်ရာလမ်းကြောင်း လေစုန် လေဆန်(Down Wind & Up Wind ) တွက်ချက်ထားတာပါ။ အဲ့ဒါမှ အဆင်း အတက်လွယ်ကူမှာပါ။

ဒါပေမယ့်ချွင်းချက်အနေနဲ့
မိုးရာသီမှာ လေတိုက်ရာအရပ်က 310° အနောက်မြောက်ယွန်းယွန်းကနေ အရှေ့တောင်ယွန်းယွန်းကို ပြောင်းလဲတိုက်ခတ်တတ်ပါတယ်။ပြေးလမ်းအနေအထားနဲ့ဆိုရင် ကန့်လန့်ဖြတ် Cross Wind တိုက်တဲ့အနေအထားဖြစ်ပါ
တယ်။ လေယာဉ်တွေအတွက် အန္တရာယ်ရှိပါတယ်။နောက်ပြီးကွင်းတစ်ဝိုက်မှာ ရုတ်တရက်
လေပြင်းဆောင့်တိုက်ခြင်း Gust Wind တွေရှိ
နေတတ်ပါတယ် ။ ပုံမှန်လေတိုက်နှုန်း တစ်နာရီ ၁၅မိုင် ကနေ တစ်နာရီ ၃၀မိုင်လောက်ထိရုတ်တရက်ပြောင်းလဲတိုက်ခတ် တတ်ပါတယ်။
လေယာဉ်တွေအတွက် အန္တရာယ်ရှိပါတယ်။
နောက်ပြီး  Pilot ဒုက္ခပေးနိုင်တဲ့ မိုးတိမ်တောင် ( Cumulonimbus Cloud) တွေ မိုးရာသီမှာဖြစ်တတ်ပါတယ်။
တိမ်အောက်ခြေအမြင့်ကလည်း မြေပြင်က ပေ၂၀၀၀နဲ့ ၂၅၀၀ကြားမှာရှိတတ်ပါတယ်။ 
လေယာဉ်တွေအတွက် အန္တရာယ်ရှိပါတယ်။
ရန်ကုန်မိုးဆိုတာကလည်း ဝုန်းဝုန်းဒိုင်းဒိုင်း
သည်းသည်းမဲမဲ ရွာတတ်တဲ့အမျိုးပါ။ Heavy Rain တွေ Rain with Thunder Strom တွေခဏခဏဖြစ်တတ်ပါတယ်။ မြင်ကွင်းမရှင်းတာ Low Visibility ပြေးလမ်းချော်တာ တွေ ပြေးလမ်းမမြင်ရတာတွေဖြစ်နိုင်ပါတယ်။
လေယာဉ်တွေအတွက် အန္တရာယ်ရှိပါတယ်။
ဒါကရန်ကုန်ကွင်းရဲ့ မိုးရာသီဖြစ်လေ့ဖြစ်ထရှိတာတွေပါ။
ရန်ကုန်လေယာဉ်ကွင်းကမြန်မာနိုင်ငံမှာရှိတဲ့ အပြည်ပြည်ဆိုင်ရာလေဆိပ်တွေထဲက ခရီး
သည်အများဆုံး လေယာဉ် အဆင်းအတက် အများဆုံး ကွင်းဖြစ်ပါတယ်။
ရန်ကုန်လေယာဉ်ကွင်းကတက်ရင် အများအားဖြင့် ပြေးလမ်း runway 21ဖက်ကတက်တာများပါတယ်။ 214°ကို ဦးတည်ပြီးပျံတက်မှာဖြစ်တဲ့အတွက် 21လို့ခေါ်တာပါ။
ဒီပြေးလမ်းကနေတက်တက်ချင်း ဘယ်ကိုချိုးကွေ့လိုက်ရင် အပေါ်မှာပြောတဲ့ P5ထဲကိုရောက်သွားမှာပါ။ ပုံမှန်အားဖြင့် controller တွေ က departure instruction ပေးရင် " after departure , trun right ---° " ဆိုပြီးပေးလေ့ရှိပါတယ်။
အပေါ်မှာပြောတဲ့ ရာသီဥတုဆိုးတဲ့ အခြေအနေမှာဆိုရင် ဘေးကြပ်နံကြပ်ဖြစ်ပါတယ်။
ရာသီဥတုမကောင်းရင် တက်မယ့်လေယာဉ်လည်းခက်ပါတယ်။
ဆင်းမယ့်လေယာဉ်လည်း ခက်ပါတယ်။ ရုတ်တရက်ဆင်းခွင့်မရသေးရင် hold ထားမယ့်နေရာကို ပြန်သွားရတာလည်းခက်ပါတယ်။

အခုခေတ် မြန်မာနိုင်ငံက စီးပွားရေးအခွင့်အလမ်းတွေ ပွင့်နေပြီးတော့ ပြင်ပရင်းနှီးမြုပ်နှံမှုတွေလည်းတိုးလာတဲ့ အခြေအနေပါ။နောက်ဆက်တွဲအနေနဲ့  လေကြောင်းလိုင်းအသစ်တွေ တိုးလာမယ် ။ ရှိပြီးသားလေကြောင်းလိုင်းတွေကလည်း လေယာဉ်အစင်းများစွာ ထပ်မံဖြည့်တင်းမယ်။
နိုင်ငံတကာကလည်း တိုက်ရိုက်ပျံသန်းနိုင်တဲ့ လေကြောင်းလိုင်းတွေဝင်ရောက်လာမယ်။ ဖြတ်ကျော်ပျံသန်းမှုတွေများလာမယ်။

နောက်တစ်ခုဝေမျှချင်တာက
ကျွန်တော် Work Shop တစ်ခုသွားတက်တုန်းက Knowledge လေးပါ။
FUA လို့ခေါ်တဲ့ Flexible Use of Airspace လို့ခေါ်ပါတယ်။ ဘာတွေဆွေးနွေးကြလည်းဆိုတော့ မြန်မာနိုင်ငံရဲ့ Air Space အခြေအနေတွေ အခြားနိုင်ငံတွေရဲ့ Air Space သုံးသပ်ချက်တွေ ပါပါတယ်။
ရည်ရွယ်ချက်က နိုင်ငံရဲ့ပြည်ပဝင်ငွေဖြစ်တဲ့
လေကြောင်းပျံသန်းခြင်းတွေမှာ အကျိုးဖြစ်ထွန်းနိုင်မယ့် Air Space တွေကို စနစ်တကျ အကျိုးရှိရှိ သတ်မှတ်ရေးဆွဲ အသုံးချနိုင်ရေးအတွက်ပဲဖြစ်ပါတယ်။ မလိုအပ်တဲ့
Air Space တွေ လျှော့ချမယ်။
လိုအပ်တဲ့ Air Space တွေအတွက်
နေ့ရက် အချိန် ဧရိယာတွေကို လုံခြုံရေးအမြင်အရကော စီးပွားရေးအမြင်အရကော အတတ်နိုင်ဆုံး
ညှိနှိုင်းအဖြေရှာပြီး ပြင်ဆင်ရေးဆွဲကြမယ်။ ဒါတွေဆွေးနွေးကြပါတယ်။ နောက်ဆိုရင်တော့ မြန်မာနိုင်ငံရဲ့ လေကြောင်းလောကမှာ လုံခြုံရေးကော စီးပွားရေးကော မျှတွေးပြီး ပိုမိုတိုးတက်ကောင်းမွန်အောင်
ကောင်းသထက်ကောင်းအောင် ဆောင်ရွက်နိုင်ကြမယ်လို့မျှော်လင့်ပါတယ်။

ကျွန်တော်ရေးတာနဲနဲရှည်သွားပါတယ်။
စာရေးဆရာ မဟုတ်တော့ စကားလုံးအသုံးအနှုံးတွေ၊စာအထားအသိုတွေ မကောင်းပါဘူးဗျာ။စာလည်းဖတ်ရတာလေးမှာစိုးလို့ တတ်နိုင်သလောက်ပေါ့အောင် ဆားမခပ်ပဲရေးလိုက်ပါတယ်။

Internet က ရှာဖွေထားတာတွေဖြစ်လို့
မှားယွင်းတာတွေရှိရင်လည်း တောင်းပန်ပါတယ်။
ကျေးဇူးလည်းတင်ပါတယ်။

CarToon ဗဟုသုတဝေမျှသည်

source : google images
              :  wikipedia
photo credit Aye Chan Maung Maung