လေထု နှင့် လေကြောင်းပညာ
================
( ဒုတ်ိယ အကြိမ် ပြန်လည်ဖော်ပြခြင်း)
✴ လေယာဉ်ပျံသည် လေထဲတွင်သွားသောယာဉ်ဖြစ်
၏။ လေကိုအမှီပြု၍ ပျံသန်းနိုင်ခြင်းဖြစ်၏။ လေမရှိ
လျှင် လေယာဉ်ပျံဟူ၍ ပေါ်ပေါက် မလာနိုင် ။သို့သော်
လူတို့သည် လေကြောင်းစီးပွားလုပ်ငန်းနယ်ပယ်ကြီး
( Aviation Industry ) ၏ အခြေခံအကျဆုံးမှာ ' လေ '
ဖြစ်ကြောင်းကို မေ့လျော့ထားတတ်ကြသည်။ လေယာဉ်မပေါ်မီက ရှေးဦးတီထွင်သူတို့သည် လေကို
လေ့လာစူးစမ်းကြသည်။
✴ လေသည် ကမ္ဘာမြေကြီးကို ဝန်းရံပတ်ထားသော
ဓာတ်ငွေ့ ရောဖြစ်သည်။ လေထု ( atmosphere ) ဟု
လည်းခေါ်ကြသည်။ လေဟုခေါ်သော ဓာတ်ငွေ့ရော
သည် ကမ္ဘာ့မျက်နှာပြင်မှသည် အာကာသအထိ ပျံနှံနေ
သည်။ ကမ္ဘာ ပတ်လည်တွင် လေထုတည်တံ့နေအောင်
ကမ္ဘာ့ဆွဲအားက ဆွဲငင်ထားသည်။ လေတွင်ပါဝင်သော
ဓာတ်ငွေ့များသည် လွတ်လပ်စွာရွေ့လျား ရောပြွမ်းနေ
ကြသည်။ ဓာတ်ငွေ့ မော်လီကျူးများသည် လေထုကို
ဖြတိသန်းသွားသော နေရောင်ခြည် နှင့် ထိတွေ့ရိုက်
ခတ်မိသောအခါတွင် အရောင်မျိုးစုံဖြာထွက်သည် ။
အပြာရောင်သည် အခြားအရောင်များထက် ပိုမိုအား
ကောင်းသဖြင့် မိုးကောင်းကင်သည် ပြာနှမ်းနေရခြင်း
ဖြစ်၏။
✴ လေထဲတွင် အချိုးအစားအများဆုံး ပါဝင်သော
အဓိကဓာတ်ငွေ့နှစ်မျိုးမှာ နိုက်ထရိုဂျင် နှင့်
အောက်စီဂျင် ဖြစ်၏။ နိုက်ထရိုဂျင် က ၇၈% နှင့်
အောက်စီဂျင် ၂၁% ပါဝင်သည်။ ကျန် ၁% တွင်
အာဂွန်က အများဆုံး ဖြစ်ပြီး ရေငွေ့ ၊ ကာဗွန်ဒိုင်
အောက်ဆိုက် ၊ နီယွန် ၊ ဟီလီယမ် ၊ ခရစ်တွန် ၊
ဟိုက်ဒရိုဂျင် ၊ ဇီနွန် နှင့် အိုဇုန်းဓာတ်ငွေ့ တို့က
အနည်းငယ်စီ ပါဝင်ကြသည် ။
✴ လေထဲတွင် ရေငွေ့ပါဝင်ကြောင်း အထက်တွင်
ဆိုခဲ့၏။ ဤရေငွေ့ ( Water vapour )သည် မျက်စိဖြင့်
မမြင်နိုင်သော ဓာတ်ငွေ့ အသွင်ဖြင့်ပါဝင်နေခြင်းဖြစ်သု။
မြစ် ၊ ချောင်း ၊ အင်းအိုင် ၊ ပင်လယ် ၊ သမုဒ္ဒရာ တို့မှ
ရေများအငွေ့ပြန်ကာ လေထုထဲရောက်ရှိရောနှောသွား
သောရေငွေ့ကို ရေငွေ့စို ( moisture )ဟုခေါ်သည် ။
တစ်ဖန် လေထုထဲတွင် ရှိနေသော ရေငွေ့စို ပမာဏ ကို
စိုထိုင်းဆ ( humidity )ဟုခေါ်သည် ။ လေထု၏ စိုထိုင်းဆသည် လေထု၏ အပူချိန် ၊ လေထုတည်ရှိ
သောနေရာနှင့် ရာသီဥတု အပေါ်တွင်တည်မှီ၍
အနည်းအများ ကွာခြားသည် ။
✴ လေသည် အလွန့်အလွန် အေးမြလာပါက
လေထုတွင်ပါဝင်သောရေငွေ့သည် အလွန်သေးငယ်
သော ရေမှုန်ရေမွှား ( water droplets ) သို့မဟုတ်
ရေမှုန်ခဲ ( ice crystals ) အဖြစ် ပြောင်းလဲသွားပြန်သု။
ယင်းကို အခဲဖြစ်စဉ် ( condensation )ဟု ခေါ်သည်။
ဤဖြစ်စဉ် ပေါ်ပေါက်စေသော အပူချိန်ကို ရေခဲမှတ်
( dew point ) ဟု ခေါ်သည်။ လေထု နှင့် ဆက်စပ်
နေသော အနှီရူပဗေဒဆိုင်ရာ အကြောင်းအချက်နှင့်
ဝေါဟာရ တို့သည် လေကြောင်းပျံသန်းမှုတွင် မိုးလေဝသ ( Meteorology )ဘာာသာရပ် အဖြစ် အကျုံးဝင်လာသည် ။
လေ၏ဂုဏ်သတ္တိများ
***************
✴ လေယာဉ် တည်ဆောက်ရာတွင် လေ၏ဂုဏ်သတ္တိကိုမှီပြီး ပုံစံ ရေးဆွဲကြရသည် ။
✴ ပထမဂုဏ်သတ္တိမှာ ' အလေးချိန်ဖိအားရှိခြင်း '
ဖြစ်၏။ လေသည် အစိုင်အခဲနှင့် အရည်တို့ထက်
များစွာ ပေါ့ပါးသောကြောင့် သူ့တွင် အလေးချိန်ရှိသည်
ကို သတိမပြုမိကြချေ။ လေတွင် အလေးချိန်ရှိပုံကို
ရိုးစင်းလွယ်ကူသော နည်းဖြင်ပြသနိုင်သည် ။
ပုလင်းတစ်ပုလင်းထဲမှ လေကို လေစုပ်စက်ဖြင့် စုပ်ယူ
ကာ အဖုံးကိုလုံအောင်ပိတ်ပြီး အလေးချိန်ချိန်ပါ ။
ထို့နောက် အဖုံးဖွင့်၍ လေပြန်ဝင်စေပြီး ထပ်မံချိန်ပါ ။
ပထမ အလေးချိန်ထက် တိုးလာသည် ။
ခြားနားသော အလေးချိန်မှာ လေ၏ အလေးချိန်ဖြစ်၏။
✴ တစ်ဖန် လေတွင်ဖိအားရှိပြန်သည် ။
ဖိအားရှိခြင်းမှာ အလေးချိန်ကြောင့် ဖြစ်သည် ။
ဖိအားရှိကြောင်းကိုလည်း လွယ်ကူစွာစမ်းသပ်ပြနိုင်သု။
ဖျော်ရည်ခွက်ထဲကို စက္ကူ ကျူရိုးတံ စိုက်ထည့်ထား
လျှင် ဖျော်ရည်မျက်နှာပြင်သည် နဂိုအတိုင်းပင်ရှိနေ၏။
ကျူရိုးတံ ကို ပါးစပ်ဖြင့်စုပ်သော် ဖျော်ရည်သည် ကျူရိုး
တံ အတိုင်းတက်လာ၏။ သာမန်အားဖြင့် ဖျော်ရည်ကို
စုပ်ယူသည်ဟု ထင်မှတ်ကြ၏ ။ အမှန်တကယ် မှာ
ကျူရိုးတံ ထဲရှိ လေကို စုပ်ယူလိုက်ခြင်းဖြစ်သည် ။
✴ ထို့ကြောင့် ကျူရိုးတံ ထဲတွင် လေဟာနယ်ဖြစ်
သွား၍ လေဖိအားကျသွားသည်။ ထိုအခါ ကျူရိုးတံ
အပြင်ဘက်ဖျော်ရည် မျက်နှာပြင် ပေါ်ဖိနေသော လေဖိ
အားက များသွားသည်။ ဖိအားများသောလေကဖိလိုက်
သဖြင့် ဖိအားနည်းသော ကျူရိုးတံ တလျှောက် ဖျော်ရည် တက်လိုက်လာခြင်းဖြစ်သည် ။ လေကိုစုပ်
မယူမိက ကျူရိုးတံ ထဲရှိ လေဖိအားနှင့် ဖျော်ရည်ခွက်
ထဲရှိ လေဖိအားတို့ ညီမျှနေသဖြင့် ဖျော်ရည်မျက်နှာပြင်
သည် တစ်ညီတည်းရှိ နေခြင်းဖြစ်သည် ။
လေတွင်ဖိအားမရှိလျှင် အတောင်ပံက ပင့်အားရယူ
မပေးနိုင်လောက်အောင်ပင် တစ်နည်းအားဖြင့်
လေယာဉ်ပျံဟူ၍ ဖြစ်မလာနိုင်လောက်အောင်ပင်
အရေးပါလှပေသည် ။
✴ သိပ္ပံပညာတွင် လေဖိအားကို ပြောဆိုရာ တွင်
ပင်လယ်ရေမျက်နှာပြင် ( sea level ) ကို ကမ္ဘာ့မျက်နှာ
ပြင် အဖြစ်စံထား တိုင်းထွာ ကြသည် ။
ပင်လယ်ရေမျက်နှာပြင်ရှိ လေတစ်ကုဗပေ
( ၀ ဒသမ ၀၃ ကုဗမီတာ ) ၏ အလေးချိန်မှာ 1¼အောင်စ ( ၃၅ ဂရမ် )မျှသာ ရှိသော်လည်း ကမ္ဘာ
ပတ်လည်ရှိ လေထုကြီး တစ်ခုလုံး၏ အလေးချိန်မှာ
၅,၇၀၀,၀၀၀,၀၀၀,၀၀၀,၀၀၀ ရှော့တန်
( ၅၂၀၀,၀၀၀,၀၀၀,၀၀၀,၀၀၀ မက်ထရစ်တန် )
မက ရှိပေသည် ။ လေထု၏ အပေါ်ဆုံး အလွှာမှသည်
အောက်ဘက်ရှိ အလွှာအသီးသီးပေါ်သို့ ဖိထားသော
လေ၏ အလေးချိန်ကြောင့် လေဖိအား ( air pressure)
တစ်နည်းအားဖြင့် လေထုဖိအား ( atmospheric px )
ဟူ၍ ဖြစ်လာသည် ။
✴ လေဖိအား ကို ဘာရော်မီတာ ဖြင့် တိုင်းသည် ။
အတိုင်းအထွာ ယူနစ် နှစ်မျိုး ရှိသည် ။ ပြဒါးအမှတ် ၏
လက်မ ၊ သို့မဟုတ် မီလီမီတာ
( inches or millimeters of mercury ) ဖြင့် တစ်မျိုး
တိုင်းသည်။ နောက်တစ်မျိုးမှာ ဘား ( bars )
သို့မဟုတ် မီလီဘား ( millibars ) ဖြစ်သည် ။
✴ ဘာရိုမီတာတွင် ပင်လယ်ရေမျက်နှာပြင်၏
ပျှမ်းပြလေထုဖိအားကို ပြဒါး၏ ၂၉ ဒသမ ၉၂ လက်မ
သို့မဟုတ် ပြဒါး၏ ၇၆၀ မီလီမီတာ ဟု လည်းကောင်း
၁၀၁၃ မီလီဘား ဟုလည်းကောင်းဖော်ပြသည် ။
✴ ထို့ကြောင့် လေယာဉ်ပျံ၏ အမြင့်ပြမီတာတွင်
၂၉ ဒသမ ၉၂ လက်မ ၊ သို့မဟုတ် ၇၆၀ မီလီမီတာ
သို့မဟုတ် ၁၀၁၃ မီလီဘား ကို ထည့်သွင်းလိုက်ပါက
ညွှန်တံပြသော အမြင့်မှာ ပင်လယ်ရေမျက်နှာပြင်
အထက်တွင် ရောက်ရှိနေသော လေယာဉ်၏ အမြင့်ပေ
သို့မဟုတ် အမြင့်မီတာ ကိုရသည် ။
✴ လေဖိအား သည် ရာသီဥတု ကိုလိုက်၍ ပြောင်း
လဲသည်။ ကြည်လင်သော နေ့ထက် စွတ်စိုထိုင်းမှိုင်း
သောနေ့၏ လေထုဖိအား မှာ ပိုနည်းသည် ။
မိမိ သွားမည့် လေယာဉ်ကွင်း၏ ဖိအားသည် ရှိရိုးရှိစဉ်
ထက် နိမ့်ကျနေပြီဆိုလျှင် လေယာဉ်ကွင်းအဝင်တွင်
မိုးတိမ် မိုးရွာသွန်းမှုနှင့် လေပြင်းတိုက်ခတ်မှုတွေကို
မျှော်တွေး ထားနိုင်လေသည် ။
✴ ထို့အပြင် မြေမျက်နှာပြင်အနိမ့်အမြင့် ကိုလိုက်၍
လည်း ဖိအားမတူညီပေ ။ ကမ္ဘာ မြေပြင်နှင့် နီးကပ်
သော လေသည် လေထု ထုထည်ကြီးတစ်ခုလုံး၏
အလေးချိန်ဖိထားခြင်းကို ခံရသဖြင့် ဖိအားပိုများ ၍
အပေါ်သိုမြင့်တက်သွားသည်နှင့်အမျှ လေထု၏ အလေးချိန်လျော့သွားကာ ဖိအားနည်းသွားရခြင်းဖြစ်သု
ထို့ကြောင့် တောင်ပေါ်လေယာဉ်ကွင်းသည် မြေပြန့်
လေယာဉ် ကွင်းထက် ဖိအားနည်းသည် ။
✴ ဒုတိယဂုဏ်သတ္တိမှာ ' ရွေ့လျားမှု ရှိခြင်း' ဖြစ်သု။
လေသည် ကမ္ဘာ့မျက်နှာပြင် အနှံ့ဖြတ်သန်း၍ အမျိုးမျိုး
ရွေ့လျားသွားလာသည် ။ ဤသို့ဖြင့် လေတိုက်ခတ်မှု
( ဝါ )တိုက်ခတ်လေ ( wind ) ဖြစ်လာသည် ။
တိုက်ခတ်လေ ဖြစ်ပေါ်အောင် ဖန်တီးပေးသူမှာ နေ၏
အပူချိန် ( heat )ဖြစ်သည် ။ ထိုအပူရှိန်သည် ကမ္ဘာ
မြေပြင်ပေါ် သို့ ညီညီမျှမျှ မသက်ရောက်ပေ ။
✴ ပူနွေးသောနေရာရှိလေတို့သည် အပူရှိန်ကြောင့်
ကျယ်ပြန့်လာသည်။ ပေါ့ပါးလာသည်။ ထိုအခါမြေမျက်
နှာပြင်အနီးရှိ လေပေါ့တို့သည် အပေါ်သို့တက်သွားပေ
ရာ ထိုနေရာတွင် လေဖိအားနည်းပြီး ကျန်ရစ်သည် ။
ပတ်ဝန်းကျင် ဖိအားများသော နေရာမှလေတို့သည်
ဖိအားနည်းသော နေရာသို့အစားထိုးဝင်ရောက်လာခြင်း
ဖြင့် လေတိုက်ခတ်မှု ဖြစ်ပေါ်သည် ။ ပထဝီဘာသာ
တွင် သင်ကြားရသော ပင်လယ်လေနှင့် ကုန်းလေ
တို့မှာ ဤသဘောတရားအတိုင်းပင်ဖြစ်၏ ။
✴ ကမ္ဘာမြေပြင်အထက် ၆ မိုင် မှ ၉မိုင် ( ၁၀ မှ
၁၅ ကီလိုမီတာ )အတွင်းတွင် ကွေ့ဝိုက်တိုက်ခတ်သော
လေစီးကြောင်းတစ်မျိုးမှာ အလွန်မြန်သော အလျင်နှုန်း
ရှိသော ကြောင့် ဂျက်လေစီးကြောင်း ( Jet streams )
ဟုခေါ်သည် ။ လေစီးကြောင်း ဗဟိုတွင် တစ်နာရီလျှင်
မိုင် ၂၀၀ ( ၃၂၀ ကီလိုမီတာ ) နှုန်းမက ရှိတတ်သော
ကြောင့် လေယာဉ် မှုးများ အထူးသတိထားရသည် ။
✴ တတိယ ဂုဏ်သတ္တိမှာ ' တွန်းကန်ခုခံမှုရှိခြင်း'
ဖြစ်သည်။ လေ၏ တွန်းကန်ခုခံမှု ( air resistance )
သည် ပျံသန်းမှုပညာရပ်တွင် အလွန်အရေးကြီးသော
အခန်းကဏမှ ပါဝင်သည်။ ဤတွန်းကန်ခုခံမှုကို လေထီးခုန်ဥပမာတွင် သိသာနိုင်သည်။ လေထီးမပွင့်မီ
လျင်မြန်စွာကျလာသောသူသည် လေထီးပွင့်ပြီးနောက်
လေထီးကို လေကတွန်းကန်ထား သဖြင့် အကျနှေး
ကွေးရသည်။
✴ လေသည် လေထုအတွင်း ဖြတ်သန်းသွားသော
မည်သည့်ရွေ့လျား အရာဝတ္ထုကိုမဆို တွန်းခုခံမည်သာ
ဖြစ်၏။ လေထုတွင်ပါဝင်သော ဓာတ်ငွေ့ တို့၏ အဏုမြူ
မှုန် ကလေးများ ၊ မော်လီကျူးများနှင့် ရွေ့လျား
အရာဝတ္ထုတို့ ပွတ်တိုက်မိသောကြောင့် ဤတွန်းကန်
ခုခံမှု ပေါ်ပေါက် လာရသည်။
✴ အရာဝတ္ထုသည် လေထုအတွင်း မြန်မြန်ဖြတ်
သန်းသွားလေလေ လေ၏တွန်းကန်ခုခံမှုကို ပိုမိုရင်ဆိုင်
ရ လေလေဖြစ်သည်။ သင်သည် ညီညာသောလမ်းပေါ်
တွင် စက်ဘီးနင်းသွားပါက မျက်နှာကိုလေတိုးသော
ခံစားမှု့ ကိုခံစားရလိမ့်မည်။ဤသည်မှာ လေ၏
ခုခံတွန်းကန်မှု ဖြစ်၏။ အကယ်၍ ကုန်းဆင်းအတိုင်း
နင်းသွားလျှင် ပိုပြီးလေတိုးသည် ကိုခံစားရ၏။
တစ်ဖန် ကုန်းတက်ရောက်သွားသော အခါ လမ်းပြင်
ညီပေါ်မှာထက် လေတိုးမှု့လျော့နည်းသွားကြောင်းတွေ့
ရ၏။ ထို့ကြောင့် လေ၏တွန်းကန် ခုခံမှု သည်
အရာဝတ္ထု၏ ရွေ့လျားမှု နှင့် တိုက်ရိုက်အချိုးကျပေသု ။
✴ စတုတ္ထဂုတ်သတ္တိမှာ ' ဖိသိပ်ခံနိုင်ခြင်း 'ဖြစ်သည်
လေကိုပုံမှန်ရှိမြဲ လေထုဖိအား ထက် အဆရာပေါင်းများ
စွာတိုးမြှင့်၍ အလုံပိတ်နေရာ တစ်ခုခုအတွင်းတွင် ထည့်
ထားနိုင်သည်။ ယင်းလေကို ဖိသိပ်လေ
( compress air )ဟု ခေါ်သည်။ ထိုသို့လေကို ဖိသိပ်
ထားသောအခါ လေ၏ အဏုမြူ အက်တမ်နှင့်
မော်လီကျူး တို့၏ လှုပ်ရှားမှု့ နှုန်းမှာ သွက်လက်မြန်
ဆန်လာသည်။
✴ ထို့ကြောင့် ဖိသိပ်ခံထားရသော လေသည်
ပူနွေး နေ၏။ လေယာဉ် ဘီးတံ ( undercarriage
Or landing gear ) တွင် ဆောင့်ဒဏ်ခံနိုင်အောင်
ဖိသိပ်လေကို စပရင်ကန်အားသဖွယ် အသုံးပြုသည်။
နူမက်တစ်ပရက်ရှာ ( pneumatic pressure )
ဟု ခေါ်သည်။
✴ ၂၀ ရာစုဝင်ခါနီးမှ အေရိုဒိုင်းနမစ် ( Aerodynamics ) ဘာသာရပ်သည် စတင်ပေါ်ပေါက်
လာ၏။ လေ ၊ သို့မဟုတ် ငွေ့ရည် ( fluid ) တစ်
မျိုးမျိုးထဲတွင် ရွေ့လျားနေသော အရာဝတ္ထုတစ်ခုခု
အပေါ်တွင် သက်ရေက်သောအားများ ( forces )
ကို လေ့လာသော သိပ္ပံအညာရပ် ဖြစ်သည် ။
ဤ ပညာရပ်ကြောင့် လေထက်လေးသော ယာဉ်ပျံကို
တီထွင်နိုင်ခဲ့သည်။ လေထုနှင့် လေ၏ဂုဏ်သတ္တိများ
သည် လေကြောင်းပညာရပ်အတွက် အခြေခံအကျဆုံး
လိုအပ်ချက်များဖြစ်သည်။
#phyo wai linn
